Ystafell Drochi

Mae IDNS yn falch o ddarparu’r gofod ymgolli LED cyntaf yng Nghymru ym Mhrifysgol Cymru y Drindod Dewi Sant. Trwy gyflwyno'r gofod ymgolli 16-metr gan ddefnyddio technoleg LED ddiweddaraf Samsung, bydd ymwelwyr yn cael profiad gweledol a synhwyraidd a ddaw yn fyw trwy ddelweddau heb eu hail a manylder perffaith.

Mae’r datblygiad arloesol hwn yn tanio cyfnod newydd o gydweithio ac ymgysylltu yn y brifysgol ac mae’n dyst i’w hagwedd flaengar at ddefnyddio technolegau digidol sy’n gwella’r profiad dysgu.

Mae Igloo Vision yn falch o fod wedi gweithio ochr yn ochr â Phrifysgol Cymru Y Drindod Dewi Sant, IDNS a Samsung i gyflwyno’r gofod ymgolli LED cyntaf yng Nghymru. Gan ddefnyddio meddalwedd ymgolli Igloo Vision a thechnoleg LED ddiweddaraf Samsung, bydd y gofod yn cynnig profiadau atyniadol i staff, myfyrwyr ac ymwelwyr.

Mae gofod ymgolli Igloo fel camu i mewn i benset realiti rhithiol enfawr – heblaw y gallwch gael grwpiau cyfan y tu mewn. Mae Igloo’n dylunio ac yn datblygu’r dechnoleg a all droi unrhyw ofod yn un ymgolli. Gellir rhannu unrhyw fath o gynnwys digidol, gan gynnwys realiti rhithiol ymgolli, fideos a delweddau 360° ac adnoddau swyddfa dyddiol, â grwpiau cyfan yn un o’r gofodau hyn, felly mae gan Brifysgol Cymru Y Drindod Dewi Sant gyfleoedd diderfyn o ran yr hyn y gall ei wneud â’i Hystafell Ymgolli.